平時想食軟雪糕只可以喺店鋪買,想喺屋企都有得食,唔通要買部雪糕機😱?!只要有呢隻魔法雪糕匙就「攪」掂🥄!用法好簡單,只要用微波爐加熱雪糕(150 ml份量以200W加熱約60 秒),取出後利用雪糕匙攪拌,過程中會將空氣打入雪糕,變成軟雪糕質地🍦,原味雪糕嘅話仲可以混入抹茶粉等變成其他味道!呢隻匙羹係日本討論度極高嘅眾籌產品,最近更確認商品化!唔知遲啲喺香港有冇機會買到呢?

圖片來源:Makuake

相關帖文