香港人乜都講求效率，唔使急，最緊要快，就連煲水都一樣！平時無論飲暖水定係沖泡各種熱飲，一部熱水機必不可少，不過普通電熱水煲加熱時間長，而且煲完仲要等啲水慢慢降溫先用得，真係要等好耐！相比之下，近年興起嘅即熱式飲水機則更為方便，用家只需預先設定好水量及溫度，內置嘅製熱管道便能將指定嘅水量迅速加熱，斟水唔使等！所以hangry今次就搵咗呢部W.A.S.H 即熱過濾飲水機，開箱同大家試下即熱水機嘅威力，係咪真係咁抵買？
機身纖巧、外觀簡潔
W.A.S.H 即熱過濾飲水機整體以白色為主調，簡約風設計時尚美觀；機身小巧，佔用面積只係約半張A4紙，慳位易收納，非常適合寸金寸土嘅香港地，無論擺屋企或office都好啱使！
3.6L可拆式儲水箱
雖然睇落細細部，但其實部機嘅水箱都有成3.6L容量，水量充足，唔使成日入水咁麻煩，可拆式設計更方便清洗及加水！
3秒即出熱水
W.A.S.H 即熱過濾飲水機採用2000W高功率即熱技術，由加熱到出水只需三秒，即熱即用，快之餘仲能避免飲翻煲水。同時設有3種出水量（200ml、300 ml、500 ml）以及5段溫度（常溫、40°C、65°C、80°C、95°C），平時沖泡咖啡、茶、奶粉都可以滿足到！
非金屬內膽
好多人飲水最怕就係個陣金屬味，消委會就曾有報告指出，熱水若長時間與水煲內嘅金屬內膽接觸，啲金屬及鐵鏽有機會滲入水度，令啲水有一陣金屬異味。不過用W.A.S.H 即熱過濾飲水機就唔使怕，因為佢並無金屬內膽，能避免金屬及水垢殘留，保持食水乾淨！
搭配德國BRITA濾芯
機內搭配德國BRITA濾芯，採用創新MicroFlow微流技術及活性炭顆粒，能有效過濾鉛、銅等重金屬及異味，確保食水安全，同時亦能提升水質口感，分分鐘令你愛上飲水！
如果有興趣入手W.A.S.H 即熱過濾飲水機，可以去以下網站了解更多：https://bit.ly/3Nwxbri
