【食物冷知識！點解即食麵都係彎彎曲曲嘅？】

即食麵係唔少人嘅儲糧必備，幾分鐘淥一淥就食得，簡單又方便！但大家有冇發覺，大多數即食麵，就算唔同品牌、唔同產地，但麵條形狀都係彎彎曲曲嘅波浪形，點解嘅？今次就同大家拆解5大原因！

1、節省空間

相同長度嘅麵條，波浪形嘅佔用面積比較少，可以減省包裝成本。

2、炸得均勻

即食麵多以油炸定型，而波浪形麵餅間有好多空隙，油炸時麵餅受熱更均勻；而且空隙亦有助空氣流通，可以加快烘乾成型。

3、避免壓碎

麵條油炸後會變得酥脆，若係直條會較易折斷，而波浪形麵條可以將受力面積分散，抗壓力更好。

4、減少黏纏

波浪形麵條可以讓更多嘅水接觸到面體，冇咁易黐埋一堆，亦能更快熟透。

5、方便食用

彎曲嘅麵條無論用叉定筷子都冇咁易跣，食嘅時候更方便。