【食物冷知識！白朱古力原來唔係朱古力？】

其實呢個世界上，唔止菠蘿包冇菠蘿、老婆餅冇老婆，好多食物名背後其實同嗰種食物根本冇關係！

1、椰果

好多人以為椰果係椰子水凝固而成嘅果凍，但其實佢係通過用椰子水培養醋酸菌，待發酵後分泌出嘅乳膠狀纖維素。

2、白朱古力

朱古力必須含有可可脂、可可粉及可可膏成份，但白朱古力並不含可可粉及可可膏，主要成份係可可脂，所以嚴格嚟講其實唔算係朱古力。

3、玉子豆腐

玉子豆腐係由雞蛋混合日式高湯蒸煮而成，只係口感似豆腐，其實不含任何大豆成分。

4、蟹柳棒

蟹柳棒全稱應該叫仿蟹肉魚肉棒，因為佢主要係用魚肉、澱粉及色素製成的。