【高糖陷阱——水果乾】

好多人覺得水果乾方便好味，甚至用嚟取代新鮮水果，雖然水果乾係新鮮水果製成，但乾燥過程會令果糖濃縮，導致糖含量比例上升，而且水果乾體積較細，容易令人唔覺意就食過量！

消委會測試咗市面上6類共31款預先包裝水果乾，發現全部樣本均屬「高糖」食物，其中提子乾嘅平均糖分含量為6類水果乾中最高，另外更有4款樣本檢出多達10種或以上嘅除害劑，混合使用除害劑或產生「雞尾酒效應」加乘效果，可能影響健康。